لچکدار بننے کی اہمیت

ہماری زندگیوں میں مشکلات ناگزیر/اٹل ہیں۔ نتیجہ کے طور پر کچھ بچے تُنک مزاج یا افسردہ ہو سکتے ہیں، جبکہ دیگر مطابقت اختیار کرنے یا آزمائش سے تیزی سے نکلنے کے قابل ہوتے ہیں۔ موخر الذکر ایک مثبت ایڈجسٹمنٹ عمل کی وضاحت کرتا ہے جسے عام طور پر لچکدار/لچک کے نام سے جانا جاتا ہے۔ بچے، جو لچکداری کا مظاہرہ کرتے ہیں عام طور پر پیش قدم اور آزمائش کا سامنا کرتے وقت رجائیت پسندانہ رہتے ہیں۔ تحقیق نے نشاندہی کی ہے کہ لچک ظاہر کرنے والے بچے اہل، پُراعتماد، صحت مند، اعلٰی تعلیمی کامیابی رکھنے والے ہوتے ہیں اور اسکول میں اپنی مطالعات میں زیادہ تسلی بخش ہوتے ہیں۔

آپ اپنے پری اسکولر میں خصوصیات کی تعمیر کر کے اور اس کے ماحول میں عوامل کو فروغ دینے سے اس کی لچکدار بننے میں مدد کر سکتی ہیں۔ ایک بچے میں لچک کو سہولت دینے والی کلیدی خصوصیات خود داری رجائیت پسندی، امید، مواصلت اور مسئلہ حل کرنے کی مہارتیں ہیں۔ مثبت والدینیت، معاونت اور اسکول کے ساتھ تعاون یکساں اہم ماحولیاتی عوامل ہیں۔

اپنے بچے میں خصوصیات کو فروغ دینا

خود داری

خود داری سے مراد قابلیت کا احساس ہے جو کوئی اپنے بارے میں محسوس کرتا ہے۔ انتہائی خود داری مشکلات کے بعد بد دلی کے خلاف ایک نقصان دہ اثرات کم کرنے کے طور پر کام کرتی ہے. دوسری جانب، کم خود داری کے ساتھ بچے ناکامی اور مسترد ہونے سے اپنے اعتماد کو سخت متاثر کر سکتے ہیں۔ مندرجہ ذیل کام کرتے ہوئے آپ اپنے بچے بچے میں خود داری پیدا کرنے میں مدد کر سکتی ہیں:

• اپنے بچے کو پیار دکھانا اور توجہ دینا
  • اپنے بچے کو غیر زبانی (مثلاً مسکرانا، گلے لگانا، بوسہ لینا، تھپکی دینا) اور اس ساتھ ساتھ زبانی (مثلاً "میں ہمیشہ آپ سے پیار کرتی ہوں، میری چھوٹی لاڈلی") ذرائع سے اپنی الفت دکھائیں اور توجہ دیں۔
  • بعض اوقات تمام بچے بد تمیزی کرتے ہیں۔ بجائے اس کے کہ بچے آپ خود میں (مثلاً "آپ مصیبت ہیں") اپنے بچے کے نامناسب رویہ پر ناپسندیدگی دکھائیں (جیسے "لڑنا غلط ہے")۔
  • اپنے بچے کو وہ جو ہے قبول کریں تاکہ وہ خود کو قبول کرنا سیکھ سکے۔
• اپنے بچے کی صلاحیتوں کو فروغ دینا
  • جب بچہ آپ کی مثبت رائے کے ذریعے خود کو ذاتی صلاحیتوں کا حامل ہونے کی شناخت کرتا ہے تو تب بھی خود داری پیدا ہوتی ہے۔
  • اپنے بچے کی دلچسپی اور صلاحیتوں کی پہچان کریں، جیسے ساکر کھیلنا، پڑھنا، ایک اچھا مددگار بننا، وغیرہ۔
  • اس کی صلاحیتوں کو پورے امکان تک تیار کرنے میں ایک حقیقت پسندانہ اور قابل حصول نصب العین/ہدف مقرر کریں۔ ایک درجہ کے ساتھ شروع کریں جو آپ کے بچے کی صلاحیت سے میل کھاتا ہے۔ مثال کے طور پر، اپنے 3 سال عمر کے بچے سے تفصیلات کے ساتھ ایک شکل بنانے کی توقع کرنے کی بجائے اس کی آڑھی ترچھی لکیریں کھینچنے میں جوش و خروش کو سراہیں۔ یہ ایک مفید آغاز کی ضمانت دے سکتا ہے اور آپ کے بچے کا اپنی مکمل صلاحیت حاصل کرنے زیادہ امکان ہے۔
• اپنے بچے کی مثبت خود شبیہہ/خیالی کو فروغ دینا
  • آپ کی اپنے بچے سے متعلق اصلاحی/تعمیری تشخیص اس کی ایک مثبت خود خیالی کی ترقی کو سہولت دے گی۔
  • آپ کے بچے کے کسی بھی مثبت طرزعمل یا کامیابی ظاہر کرنے کے فوراً بعد آپ کی طرف سے تعریف کا اظہار کرنے کے لئے ہر موقع کو تھام لیں۔ تعریف مخصوص ہونی چاہئیے، جیسے "کھیلنے کے بعد کھلونوں کو ایک طرف رکھنے کا شکریہ"
  • اپنے بچے کے ساتھ مل کر جائزہ لیں، ہر روز اس نے کیا کام مکمل کیا ہے - اس سے کوئی فرق نہیں پڑتا کہ یہ کتنا چھوٹا ہے۔

رجائیت پسندی اور پُرامید نقطہ نظر

جب بچے ایک رجائیت پسندانہ انداز میں ترقی میں رکاوٹ دیکھتے ہیں تو مشکل کے نقصان دہ اثر کو کم سے کم کیا جا سکتا ہے. رجائیت پسندانہ بچے مثبت طور پر سوچتے ہیں اور دسترس حاصل کرنے کا احساس رکھتے ہیں۔ وہ آسانی سے دست بردار نہیں ہوتے ہیں کیونکہ انہیں لگتا ہے کہ ان کے افعال ایک واقعہ کے نتیجہ پر اثر انداز ہوں گے۔ اس کے علاوہ، ایک پُرامید رویہ کے ساتھ بچوں کو اپنی سمت معلوم ہوتی ہے اور حتی کہ مشکل وقت میں بھی پھلنے پھولنے کی حوصلہ افزائی ہوتی ہے۔ آپ درج ذیل طریقوں سے اپنے بچے کی رجائیت پسندی اور امید کو فروغ دینے میں مدد کر سکتی ہیں:

*مثبتیت/اثبات کو فروغ دینا

آپ کے الفاظ آپ کے بچے کی مثبتیت پر بہت زیادہ اثر انداز ہوں گے۔ جب آپ کے بچے نے ایک کام مکمل کر لیا ہے یا ایک کامیابی حاصل کی ہے تو اس کا مطلب یہ نہیں ہے کہ اسے اس طرح کا کچھ کہیں جیسے، "بہت پرجوش مت بنیں!" آپ نے اس مرتبہ یہ کر دکھایا"، "صرف آپ ڈرائنگ میں بہت اچھے ہیں" یا "آپ بڑے خوش قسمت ہیں۔" اس کی بجائے، اسے سراہیں اور حوصلہ افزائی کریں، "آپ نے یہ کر دکھایا!" یا "آپ ڈرائنگ میں بڑے باصلاحیت ہیں۔"

• ایک مہارت کے احساس کو فروغ دینا
  • کھلونوں کا انتخاب کریں جو آپ کے بچے کی ترقی کے درجہ کے لئے موزوں ہیں۔ آپ کے بچے کے زیر اختیار کھلونے اور اوزار اور جو افعال پر ردعمل کریں گے مہارت کو فروغ دینے والے ہیں. وہ آپ کے بچے کے افعال اور نتائج کے درمیان اس کے سببی تعلق کی سمجھ بوجھ کو سہولت فراہم کرتے ہیں۔ مثال کے طور پر، ایک سال عمر کا بچہ اپنے ایک بٹن دبانے سے آنے والے موسیقی کی آوازوں سے لطف اندوز ہو گا؛ اور چار سال کی عمر کا بچہ قینچی استعمال کرنے میں آسانی محسوس کرے گا۔
  • بچے تجسس سے بھرے ہوتے ہیں۔ اکثر، وہ آپ کے اس خیال سے پہلے کہ وہ سیکھنے کے لئے تیار ہیں وہ بڑوں کے طرزعمل کی نقل کر رہے ہوتے ہیں۔ جب آپ کا بچہ دلچسپی ظاہر کرتا ہے، تو اس کی خود سے دیکھ بھال کی سرگرمیوں میں حصہ لینے کی حوصلہ افزائی کریں جیسے کھانا کھانا اور کپڑے پہننا۔
  • ایک معقول حد میں اپنے بچے کو انتخابات کی پیشکش کریں (مثلاً دو یا تین انتخابات)، جیسے اس کے کپڑوں، اسنیکس، کھلونوں اور پڑھنے کے لئے کتابوں کے انتخابات۔
  • اپنے بچے کو نصب العین/ہدف ترتیب سے واقف کرائیں۔ ہدف مخصوص اور قابل حصول ہونا چاہئیے، جیسے "آئیں ٹی وی دیکھنے سے پہلے ڈرائنگ ختم کریں"۔
  • اپنے بچے کی مرحلہ وار ہدف حاصل کرنے میں مدد کریں۔ مثال کے طور پر، تصویر مکمل کرنے میں اس کی رہنمائی کریں، "کیا آپ ڈوگ کے آگے کوئی چیز بنانا چاہتی ہیں؟ کیا آپ کچھ اور رنگوں کا اضافہ کرنا چاہتی ہیں؟" اس کی کوششوں کے لئے اس کی حوصلہ افزائی اور تعریف کریں۔ "یہ تقریبا ختم ہو گیا ہے۔ کیا خوش رنگ تصویر ہے!"
• امید کو فروغ دینا
  • اپنے بچے کے لئے ایک رول ماڈل/کرداری نمونہ کے طور پر عمل کریں اور زندگی پر ایک پُرامید نقطہ نظر کا عملی مظاہرہ کریں، جیسے "مجھے اس شاپ پر اپنے لئے درست سائز کی ٹی شرٹ نہیں ملی، مجھے لگتا ہے کہ مجھے یہ ایک دوسری شاپ سے مل سکتی ہے"۔
  • اپنے بچے کے ساتھ امید اور ثابت قدمی کے تصورات کو بیان/منتقل کرنے والی کہانیاں پڑھیں جیسے 'کچھوا اور خرگوش' اور 'ہالینڈ کا ننھا ہیرو'۔
  • اپنے بچے کے حوصلہ شِکن خیالات کو ایک حوصلہ افزا کن اور بااختیار میں تبدیل کریں۔ مثال کے طور پر، جب آپ کے بچے نے کہا، "میں ہمیشہ اپنی ٹیچر سے اسٹیکرز حاصل کرنے میں ناکام ہو جاتا ہوں،" تو آپ جواب دے سکتی ہیں، "آج آپ کو آپ کی ٹیچر کی طرف سے ایک اسٹیکر نہیں ملا۔ یہ ٹھیک ہے! آئیں، خود کے لئے چیئیر! کل دوبارہ کوشش کریں!"
  • اپنے بچے کی غلطیوں یا ترقی میں رکاوٹوں سے سیکھنے میں مدد کریں۔ اس سے پہلے آپ متبادلات کے لئے اس کی رہنمائی کریں اسے پہلے حل تخلیق کرنے دیں۔ مثال کے طور پر، آپ ناکامی کے اسباب کی شناخت کرنے میں اس کی رہنمائی کر سکتی ہیں اور پھر پوچھیں، "انعام حاصل کرنے کے لئے آپ اگلی مرتبہ کیا مختلف کر سکتی ہیں؟"

مواصلت اور مسئلہ حل کرنے کی مہارتیں

مواصلت اور مسئلہ حل کرنے کی مہارتوں کے ساتھ بچے آزمائشوں پر قابو پانے کے قابل ہوتے ہیں۔ بنیادی اصول ذیل میں ہیں:

1. اپنے بچے کی خود سے اظہار کی حوصلہ افزائی کرنا اور
2. اس کے لئے مسائل حل کرنے کے بجائے اس کا خود سے مسئلہ حل کرنے میں اس کی مدد کرنا۔

• مواصلاتی مہارتوں کو فروغ دینا
  • اپنے بچے کی اس کے خیالات اور احساسات کا اظہار کرنے کی حوصلہ افزائی کریں اور سہولت دیں۔ مثال کے طور پر، "جب سے آپ نے اپنا ٹیڈی گم کیا ہے، آپ کافی خاموش رہے ہیں۔ یہاں آؤ، مجھے بتاؤ کہ آپ کیسا محسوس کر رہے ہیں؟" اگر آپ کا بچہ خاموش رہتا ہے، تو اس سے پوچھیں، "کیا آپ اپنے گمشدہ ٹیڈی کے بارے میں اداسی محسوس کر رہے ہیں؟ اس کے بارے میں مجھے مزید بتائیں۔"
  • ناپسندیدہ طرزعمل کے ذریعے اظہار کی حوصلہ شکنی کریں جیسا کہ چیں چیں کرنا، شدید غصہ یا برہم مزاجی۔ نتائج فراہم کریں جسا کہ اسے خاموش رہنے کا وقت پر لے جانا۔ کسی اور وقت جب آپ دونوں خاموش ہوں تو اسے یہ سکھانے کے مواقع تلاش کریں کہ سماجی طور پر قابل قبول طریقے سے کیسے اپنے جذبات کا اظہار کرنا ہے۔
  • یاد دہانی کرائیں اور بات چیت میں باری لینے کی مشق کریں جیسے "ٹھیک ہے! میں پہلے آپ کی بات سنوں گی اور پھر بات کرنے کی میری باری ہو گی۔"
  • جھوٹ موٹ کا کھیل کے ذریعے اپنے بچے کی مواصلت کی مہارتوں کی مشق کرنے کی حوصلہ افزائی کریں۔ مثال کے طور پر، جب وہ ایک ڈاکٹر کا کردار ادا کرتا ہے، تو وہ سننے اور سوال کرنے کی مشق کر سکتا ہے؛ جب وہ مریض کا کردار ادا کرتا ہے، تو وہ احساسات کا اظہار کی مشق کر سکتا ہے۔

اس والدینی سلسلہ میں کتابچہ 13 مواصلت کی ترقی کی وضاحت کرتا ہے جبکہ کتابچہ 16 مزید تفصیلات سے طرزعمل کی مینجمنٹ کی وضاحت کرتا ہے۔

• مسئلہ حل کرنے کی مہارتوں میں اضافہ کرنا
  • گیمز کے ذریعے مسائل حل کرنے اور چیلنجز قبول کرنے میں دلچسپی بڑھائیں مثلاً سادہ جگسا پزل، ماڈل ریلوے بلڈنگ اور جھوٹ موٹ کا کھیل۔
  • اپنے بچے کی مسئلہ کی شناخت اور واضح اظہار کرنے میں مدد کریں۔ مثال کے طور پر، جب آپ اپنے بچے کو 'تین ننھے پِگز' پڑھتی ہیں، تو اس کی سوچنے کی حوصلہ افزائی کریں، "پہلا ننھا پِگ کیوں خطرے میں ہے؟"
  • اپنے بچے کو جہاں تک ممکن ہو کئی حل تخلیق کرنے کی ترغیب دیں۔
  • اپنے بچے کی ایک حل منتخب کرنے میں مدد کریں۔ اگر اس کے لئے یہ فیصلہ کرنا مشکل ہو، تو ایک جوڑی اختیارات فراہم کریں، جیسے "تصویر بنانے کے لئے کیا آپ ایک پنسل یا ایک فیلٹ پین/مارکر استعمال کرنا چاہتے ہیں؟"

خلاصہ یہ کہ، آپ مثبتیت، رجائیت پسندی اور اعتماد کے ساتھ آزمائشوں کا سامنا کرنے اور مسائل حل کرنے میں مدد کر کے اپنے بچے کی لچک میں اضافہ کر سکتی ہیں۔ ایک بچے میں بڑھانے والے عوامل پر بات چیت کرنے کے بعد، ماحولیاتی عوامل جو آپ کے بچے میں لچک کو فروغ دیتے ہیں کے لئے والدینی سلسلہ میں آپ کتابچہ 23 اپنے پری اسکولر کی لچکدار بننے میں مدد کرنا II کو پڑھ سکتی ہیں۔

ہمارے پاس متوقع والدین اور شیرخوار بچوں اور پری اسکول بچوں کے والدین کے لئے بچے کی دیکھ بھال اور والدینیت پر سلسلہ وار "مبارک والدینیت!" اجلاس اور کتابچے موجود ہیں۔ معلومات کے لئے برائے مہربانی ہماری صحت کی دیکھ بھال کے عملہ سے رابطہ کریں۔