ان چند مہینوں کے دوران، آپ کا بچہ تیزی سے حرکت پذیر بن رہا ہوتا ہے۔ چلنے پھرنے پر قادر ہوتے ہی، اسے جسمانی آزادی کے لئے طاقت اور خود پر قابو پا لینے کا احساس دلائیں۔ اسی کے ساتھ، اس کا عجیب وغریب اضطراب بھی عروج پر پہنچ جاتا ہے۔ آپ اسے خود چلنے کے لئے اور خود ہی جستجو کے لئے بے تاب محسوس کر سکتے ہیں۔ پھر بھی وہ پریشان ہو سکتا ہے اگر وہ آپ کی نظروں سے ہٹ جاتا ہے یا آپ اس سے بہت دور ہوں۔

یہ وہ وقت ہے جب آپ کی حفاظت سے متعلق آگاہی قطعی اہمیت کی حامل ہے۔ یقینی بنائیں کہ آپ کا گھر پہلے ہی سے چائلڈ پروف ہے۔ ایک محفوظ اور دلچسپ ماحول مہیا کرکے، آپ اسے زیادہ سے زیادہ آزادی دیتے ہیں تاکہ وہ آپ کی مداخلت کے بغیر زیادہ تر اپنے انکشافات کر سکے۔

کسی بچے کی رہنمائی کب کرنا ہے اور اسے کب خود کام کرنے دینا ہے یہ جاننا والدین کے فن کا ایک حصہ ہے۔ جتنے زیادہ مواقع آپ اسے انکشاف کرنے، جانچنے اور مسائل حل کرنے کے لئے دیتے ہیں، اتنا ہی اس کی قابلیت، اعتماد اور دریافت کرنے کی ترغیب میں اضافہ ہوگا۔

اس مدت کے اختتام تک، آپ کا بچہ اس قابل ہو جائے گا کہ وہ:

نقل وحرکت کرے

• مدد کے بغیر بیٹھی ہوئی پوزیشن پر رہ سکتا ہے
• فرش پر اچھی طرح بیٹھ سکتا ہے اور گرے بغیر اپنے جسم کو دونوں طرف موڑ سکتا ہے
• بیٹھنے سے لے کر گھسٹنے یا جھکی ہوئی پوزیشن اختیار کر سکتا ہے
• پیٹ کے بل، یا ہاتھوں اور گھٹنوں پر رینگنتے ہوئے یا زمین پر پاؤں گھسیٹ کر چل سکتا ہے
• فرنیچر کو تھامتے ہوئے کھڑے ہونے سے بیٹھنے یا گھٹنے ٹیکنے کی پوزیشن تک خود کو کم کر سکتا ہے
• سہارے کے ساتھ اور لمحہ بہ لمحہ تنہا کھڑا ہو سکتا ہے
• خود کو کھڑے ہونے تک اٹھا سکتا ہے
• فرنیچر پکڑ کے ادھر ادھر گھوم سکتا ہے
• جب بڑے ہاتھ تھامے ہوں تو چل سکتا ہے یا خود ہی کچھ قدم اٹھا سکتا ہے

ہاتھ اور انگلی کی صلاحیت

• شہادت کی انگلیوں سے دھکیل سکتا ہے
• انگوٹھے اور شہادت کی انگلی کا استعمال کرتے ہوئے چھوٹے چھوٹے سامان اٹھا سکتا ہے (چمٹی کی طرح)
• چیزوں کو کنٹینر کے اندر اور باہر کر سکتا ہے
• چیزوں کو رضاکارانہ طور پر چھوڑ سکتا ہے
• بالغ افراد کے اٹھانے کے لئے جان بوجھ کر بار بار کھلونے گرا سکتا ہے

زبان کی نشوونما

• بات چیت پر بڑھتی ہوئی توجہ دے سکتا ہے
• "نہیں" کو سمجھ سکتا ہے
• حالات کے آسان احکامات کا جواب دے سکتا ہے جیسے "الوداع"، "ماں دے دو"
• "نہیں" کے لئے سر ہلا سکتا ہے
• اشارے، اشارے کی انگلیوں سے یا یہاں تک کہ الفاظ سے اپنی خواہشات کو بتا سکتا ہے
• دیر تک غوں غاں (تہجی کا لمبا سلسلہ) یا نہ سمجھ میں آنے والی زبان (بات چیت جیسی آوازیں) استعمال کر سکتا ہے
• الفاظ کی نقل کرنے کی کوشش کر سکتا ہے
• "ما-ما" یا "دا-دا" جیسے بامعنی انداز میں 1 سے 2 الفاظ بے ساختہ بول سکتا ہے"

ادراکی ترقی

• بہت سارے مختلف طریقوں سے چیزوں کا انکشاف کر سکتا ہے (جھٹکارنا، پیٹنا، پھینکنا اور گرانا)
• چھپے ہوئے کھلونے آسانی سے ڈھونڈ سکتا ہے
• روزمرہ کی چیزوں کے صحیح استعمال کو سمجھ سکتا ہے (جیسے بال سنوارنے کے لئے کنگھی)
• گھریلو اشیاء کے ساتھ میک بیلیو کھیل میں مشغول ہونا شروع ہو سکتا ہے (جیسے ٹیلیفون میں ہوں ہاں کرنا)
• نسبتا مختصر توجہ کی مدت کو برقرار رکھ سکتا ہے

معاشرتی اور جذباتی نشوونما

• اجنبیوں کے ساتھ شرمندہ یا بے چین ہو سکتا ہے، والدین کے چلے جانے پر دکھ کا اظہار کر سکتا ہے
• کچھ افراد اور کھلونوں کو ترجیح دے سکتا ہے
• اپنے طرز عمل سے والدین کے ردعمل کی جانچ کر سکتا ہے
• اپنے کھیل میں دوسرے کے عمل کی نقل سے لطف اندوز ہو سکتا ہے

خود کا خیال رکھنا

• انگلی سے کھانا (یعنی انگلیوں سے اپنا کھانا پکڑتے ہوئے خود کو کھلاتا ہے)
• بازوؤں اور پیروں کو تھام کر کپڑا پہننے میں مدد کر سکتا ہے

نوزائیدہ بچوں کی نشوونما کو تیز کریں

اپنے بچے کو محفوظ ماحول میں انکشاف کرنے کی آزادی دیں۔ اس سے ہونے والی بے ترتیبی کی سطح پر اپنی رواداری بڑھانے کی کوشش کریں۔ اس کے دریافت کن طرز عمل کا مشاہدہ کریں اور اس سے معلوم کریں کہ وہ کس چیز میں دلچسپی رکھتا ہے۔ اس کا جواب دیں اور مطلوبہ سلوک کی وجہ سے اس کی تعریف کریں۔ اس کے ساتھ وقت گزاریں، مختصر لیکن متواتر وقفہ اتنا ہی اچھا ہوتا ہے جتنا طویل مدت کا وقفہ۔ اس کی دلچسپی کی پیروی کرتے ہوئے اس کے ساتھ بات کرنا اور کھیلنا اس کی نشو ونما کے لئے اہم ہے۔

آپ کیا کر سکتے ہیں:

• اپنے بچے کو مختلف طریقوں سے دن میں کئی بار جسمانی طور پر سرگرم رہنے دیں
• اس کی حوصلہ افزائی کریں اور اسے اپنی نگرانی میں فرنیچر کے ساتھ ساتھ رینگ کر یا گھوم پھر کر آگے بڑھنے دیں
• وزنی "کِڈی پش واکر" کو آگے بڑھاتے ہوئے اسے چلنے اور توازن پیدا کرنے کی ترغیب دیں۔
• ایک بار میں 1 گھنٹہ سے زیادہ وقت تک اپنے بچے کو بچہ گاڑی، اونچی کرسی یا بیبی کیریئر میں روکنے سے گریز کریں۔
• اپنی نگرانی میں اسے خود کو انگلی سے کھلانے دیں
• اس سے بات کرنے کے لئے ہر موقع سے فائدہ اٹھائیں، اسے بتائیں کہ آس پاس کیا ہو رہا ہے خاص طور پر جب آپ اسے نہلاتے ہوں، لباس تبدیل کرتے ہوں اور کھلاتے ہوں
• جب آپ بات کرتے ہوں تو سادہ اور مخصوص زبان استعمال کریں جیسے "میں آپ کے ہاتھ دھو رہا ہوں"
• اس کے ساتھ پڑھیں اور اس میں شامل ہونے کا موقع فراہم کریں۔
• بات چیت کی کوششوں کا فوری جواب دیتے ہوئے اس کی ترسیل کے لیے حوصلہ افزائی کریں
• "پیک اے بو" اور دیگر سماجی کھیل کھیلیں
• اس کے لئے دوسرے بچوں اور بڑوں کے ساتھ بات چیت کرنے کا موقع فراہم کریں مثلا اسے پارک میں لا کر
• اپنے بچے کے لئے مختلف الیکٹرانک میڈیا کے ساتھ اسکرین ٹائم سے گریز کریں

کھلونے جو آپ منتخب کر سکتے ہیں

• مختلف سائز، اشکال اور رنگوں کے کھلونے
• سرگرمی بورڈ جو اس کی انگلیوں سے مختلف قسم کے ہیرا پھیری کی حوصلہ افزائی کرتے ہیں
• اندر اور باہر کھلونے ڈالنے کے لئے ڈبے یا خالی کنٹینر
• تخیلاتی کھیل کے لئے پلاسٹک کا کپ، چمچ، کنگھی، کھلونا ٹیلیفون، بڑی گڑیا اور کٹھ پتلی
• گتے، کپڑے یا وینائل کتابیں جس میں اس کو دیکھنے اور صفحات پلٹنے کی بڑی تصاویر ہوں

بیبی واکر کا استعمال

امریکن اکیڈمی آف پیڈیاٹریکس والدین کو بیبی واکر استعمال کرنے سختی سے منع کرتا ہے۔ نام کے معنی کے برخلاف، بیبی واکرز بچے کے لئے سیکھنے کے عمل میں مددگار ثابت نہیں ہوتے۔ وہ صرف پیر کے نچلے حصے میں پٹھوں کو مضبوط بناتے ہیں نہ کہ اوپری حصوں اور کولہوں کو، جو چلنے میں زیادہ تر استعمال ہوتے ہیں۔ وہ بچوں کے چلنے کی خواہش کو کم کردیں گے۔ چونکہ وہ آسانی سے گھوم سکتا ہے، اس لئے ممکن ہے کہ وہ خطرناک مقامات تک پہنچ جائے۔ جب بچہ رکاوٹوں میں پڑتا ہے تو اس میں پلٹنے کا خطرہ بھی ہوتا ہے۔

مذکورہ بالا معلومات آپ کے بچے کی نشوونما کے مطابق ہونے والی متوقع تبدیلیوں کا عمومی خیال پیش کرتی ہے۔ ہر بچہ انوکھا ہوتا ہے اور ترقی کی رفتار میں وسیع پیمانے پر تغیرات اکثر معمول کے ہوتے ہیں۔ اگر آپ کا بچہ تھوڑا مختلف وقت لیتا ہے یا کسی مرحلے میں کچھ خاص صلاحیت حاصل کرنے میں ناکام رہتا ہے تو آپ گھبرائیں نہیں۔ یہ صرف زیادہ توجہ کی ضرورت کا اشارہ کر سکتا ہے۔

ڈاکٹروں یا نرسوں سے بات کریں اگر

9 ماہ کے اختتام تک، آپ کا بچہ

• تنہا نہیں بیٹھتا ہے

12 ماہ کے اختتام تک، آپ کا بچہ

• فرنیچر پکڑ کے ساتھ نہیں چلتا ہے
• انگلی کے سرے استعمال کرکے چھوٹی چھوٹی چیزیں جیسے روٹی کے ٹکڑے اور چاول نہیں اٹھاتا ہے
• شاذ و نادر ہی اپنی دیکھ ریکھ کرنے والے کی آنکھوں میں دیکھتا ہو
• اپنا نام اکثر پکارے جانے پر جواب نہیں دیتا ہے
• اشاروں کے ساتھ حکم کا جواب نہیں دیتا ہے جیسے "الوداع" کہنا، "تالیاں بجانا"
• ضروریات کی نشاندہی کرنے کیلئے آواز، الفاظ، جسمانی حرکات یا اشاروں کا استعمال نہیں کرتا ہے
• ایسا معلوم ہوتا ہو کہ اچھی طرح سے سنتا یا دیکھتا نہیں ہے

اگر آپ کو کوئی خدشات یا سوالات ہیں تو، کسی بھی MCHC میں نرسوں اور ڈاکٹروں، یا اپنے فیملی ڈاکٹر / پیڈیاٹریئن سے بات کریں۔

ہمارے پاس متوقع والدین، بچوں کے والدین اور پری اسکول بچوں کے لئے بچوں کی دیکھ بھال، والدین کے لیے ورکشاپ اور کتابچے کا ایک سلسلہ ہے۔ معلومات کے لئے براہ کرم ہمارے ہیلتھ کیئر عملہ سے رابطہ کریں۔