(सामग्री संशोधित 04/2023)

महत्त्वपूर्ण

सर्भिकल परीक्षण गरेपछि पहिलो दुई दिनसम्म योनिबाट थोरै रक्तस्राव हुनु सामान्य कुरा हो। बढी रक्तस्राव बढी भयो भने, फलोअपका लागि कृपया मातृ तथा शिशु स्वास्थ्य केन्द्र वा महिला स्वास्थ्य केन्द्र (WHC)मा फोन गर्नुहोस् वा आफ्नो पारिवारिक चिकित्सकसँग चिकित्सा सल्लाह लिनुहोस्।

सर्भिकल परीक्षणको नतिजा बुझ्ने

• " नेगेटिभ " वा " सामान्य " नतिजाको अर्थ हो:
  • तपाईंको पाठेघरको स्मियर नमुनामा कुनै असामान्य सेल परिवर्तनहरू फेला परेका छैनन् (30 वर्षमुनिका महिलाहरूका लागि); वा
  • तपाईंको पाठेघरको नमुनामा उच्च जोखिम मानव प्यापिलोमाभाइरस (hrHPV) पत्ता लागेको छैन (30 वर्ष वा सोभन्दा बढी उमेरका महिलाहरू); वा
  • दीर्घकालीन स्वास्थ्यमा कुनै महत्त्वपूर्ण असर नपर्ने र फलो-अप आवश्यक नहुने सौम्य अवस्थाहरूको पहिचान।*
• एक " पोजिटभ " वा " असामान्य " नतिजाको सामान्यतया अर्थ तपाईंको सर्भिकलको कोशिकाहरूमा केही परिवर्तनहरू छन् वा तपाईंको सर्भिकलको नमुनामा hrHPV पत्ता लागेको छ, जसका थप अनुगमन वा अनुसन्धान आवश्यक हुन सक्छ।  यो आवश्यक छैन कि तपाईंलाई पहिले नै क्यान्सर छ।

सर्भिकल परीक्षण 100% सही हुँदैन

अन्य कुनै पनि परीक्षण जाँच जस्तै, सर्भिकल परीक्षण जाँच 100% सही हुँदैन।

परीक्षणले कहिलेकाहीँ वास्तविक असामान्यता (गलत नकारात्मक) छुटाउन सक्छ वा गलत तरिकाले सामान्य कक्षहरूलाई असामान्य (गलत सकारात्मक) को रूपमा वर्गीकृत गर्न सक्छ । सम्भावित कारणहरू यसप्रकार छन्:

1. सर्भिकल नमुनाको गुणस्तर निम्न कुराहरूले प्रभावित भएको थियो:

   परीक्षा गर्नुअघि:

   • यौन सम्पर्क;
   • पेसरीहरू वा शुक्राणुनाशक औषधिको प्रयोग;
   • धुने (पखाल्ने) (नुहाउने र नुहाउँदा गुणस्तरलाई असर गर्दैन);

   जाँचको क्रममा:

   • योनि सङ्क्रणको कारणले गर्दा योनिबाट पानी बग्ने;
   • महिनावारी रगत।
2. नमुना ह्यान्डलिङ त्रुटिहरू।
3. असामान्य सर्भिकल कोशिकाहरू सर्भिकल नलीभित्र पुग्न गाह्रो हुने साइटमा  हुन्छन्।

• सर्भिकल परीक्षणमा 100% सही नभए तापनि, यो चिन्ताको कारण होइन। सामान्यता सर्भिकल क्यान्सरको विकास हुन वर्षौं लाग्छ।
• नियमित सर्भिकल परीक्षणले सर्भिकल क्यान्सरको 90% वा सोभन्दा बढी विकासलाई रोक्न सक्छ ।
• अघिल्लो नतिजा सामान्य भए तापनि, महिलाहरूले अझै पनि नियमित सर्भिकल परीक्षण गरिरहनुपर्छ।
• तपाईंलाई योनिबाट असामान्य रूपमा रक्तस्राव हुने जस्ता कुनै लक्षणहरू देखिएका छन् भने, तपाईंको अन्तिम सर्भिकल परीक्षणको नतिजा सामान्य भए तापनि तुरुन्तै चिकित्सकलाई भेट्नुहोस् । आफ्नो अर्को सर्भिकल परीक्षणसम्म पर्खनुहोस् ।

तपाईंको अर्को सर्भिकल परीक्षण बुक गर्ने

• तपाईंले सामान्य नतिजा देखाउने पत्र प्राप्त गर्नुभएको छ भने, कृपया सिफारिस गरिएको मितिभन्दा कम्तीमा पनि एक महिनाअघि आफ्नो अर्को सर्भिकल परीक्षण अपोइन्टमेन्ट बुक गर्नुहोस्।
• 45 वर्ष वा सोभन्दा बढी उमेरका महिलाले महिनावारी भएको 12 औं दिनपछि अपोइन्टमेन्ट निर्धारण गर्न आवश्यक हुन्छ।
• जाँच हुनुभन्दा दुई दिनअघि योनि पेसरी,हस्थमैथुन वा योनिको धुने (पखालने)  नगर्नुहोस्।

* तपाईंसँग योनिबाट असामान्य रूपमा रक्तस्राव हुने, योनिबाट पानी बग्ने वा अन्य स्त्री रोगसमबन्धी चिन्ता छ भने कृपया सामान्य बाहिरी रोगी क्लिनिक वा निजी चिकित्सकहरूको सल्लाह लिनुहोस्।

कृपया थप जानकारीका लागि "सर्भिकल परीक्षण कार्यक्रम" पुस्तिका हेर्नुहोस् वा http://www.cervicalscreening.gov.hk ब्राउज गर्नुहोस्।

सर्भिकल परीक्षण जानकारी प्रणाली - दर्ता नोटहरू

आवेदकले ध्यान दिनुपर्ने कुराहरू

1. सर्भिकल परीक्षण जानकारी प्रणाली (CSIS) भनेको सहभागीहरूको व्यक्तिगत जानकारी, परीक्षण परिणामहरू र अर्को सिफारिस गरिएको परीक्षण मिति लगायतका सर्भिकल परीक्षणसँग सम्बन्धित डाटा राख्ने र प्रक्रिया गर्ने कम्प्युटराइज्ड रजिस्ट्री हो।
2. योग्यता: सर्भिकल परीक्षण गर्ने महिलाले CSIS मा दर्ता गर्न सक्छन् ।
3. दर्ता निःशुल्क छ।
4. सर्भिकल परीक्षण गर्नका लागि तपाईंको सेवा प्रदायकद्वारा शुल्क सङ्कलन गरिने छ।
5. CSIS मा सामेल भएपछि, तपाईंको सेवा प्रदायकले तपाईंको परीक्षण परिणामहरू CSIS मा पेश गर्नुभएको छ भने तपाईं निम्न कार्य गर्न सक्नुहुन्छ:
   • CSIS (www.csis.gov.hk) मा पेश गरिएका परीक्षण रेकर्डहरूको समीक्षा गर्नुहोस् )
   • इमेल, SMS वा हुलाकमार्फत सर्भिकल पुन: परीक्षणका लागि सम्झाउनीहरू प्राप्त गर्न
   • चयन गरिएका सेवा प्रदायकहरूलाई राम्रो र निरन्तर स्याहारकाका लागि सहभागीको परीक्षण रेकर्डहरू समीक्षा गर्ने अधिकार दिन
6. कृपया तपाईंले आफ्नो सेवा प्रदायकहरूसँग आफैले सर्भिकल परीक्षणको व्यवस्था मिलाउनुपर्छ भन्ने कुरा ध्यान दिनुहोस्।
7. हङकङ ठेगाना उपलब्ध गराइएको छैन भने, हामी तपाईंलाई हुलाक (खाता खोल्ने पत्र, सम्झाउनी पत्र, पासवर्ड पुनः प्राप्ति पत्र, आदिसहित) मार्फत पत्र पठाउन सक्षम हुने छैनौँ। हामी तपाईंलाई सर्भिकल परीक्षण कार्यक्रमको कार्यालयमा खाता खोल्ने पत्र वा पासवर्ड पुन: प्राप्ति पत्रको सङ्कलनको व्यवस्था मिलाउन फोन गर्न सक्छौँ। यद्यपि, तपाईं हङकङ सम्पर्क टेलिफोन नम्बर उपलब्ध गराउन सक्नुभएन भने हामी तपाईंलाई फोन गर्न छैनौँ।

नियम तथा सर्तहरू

1. तपाईंले जानकारी अद्यावधिक फाराम प्रयोग गरेर व्यक्तिगत जानकारीमा कुनै पनि परिवर्तन भएमा हामीलाई सूचना दिनुपर्छ।
2. तपाईंले सर्भिकल परीक्षण वा सम्बन्धित जाँचहरूका लागि आफ्नो सेवा प्रदायकमा जाँदा तपाईंले आफ्नो अधिकारप्रदान कोड (जुन तपाईंलाई पछि पठाइने छ) साथमा ल्याउनुपर्छ। यसले तपाईंको सेवा प्रदायकलाई तपाईंको विगतको जाँचका नतिजाहरू हेर्न सहज बनाउन सक्छ।
3. सर्भिकल परीक्षण जानकारी प्रणाली (CSIS) ले पेशेवर चिकित्सा सुझाव विकल्पको रूपमा काम गर्न वा तपाईंको चिकित्सकसँगको कुनै पनि सम्बन्धलाई प्रतिस्थापन गर्नका लागि होइन। फलो-अप र उपचार योजनाहरूसहित कुनै पनि चिकित्सा सरोकारहरूका लागि, तपाईंले सधैँ आफ्नो स्वास्थ्य सेवा प्रदायकहरूसँग परामर्श लिनुपर्छ। CSIS को कुनै पनि दुरुपयोग वा तपाईंका रेकर्डहरूमा कुनै त्रुटि वा छुटको परिणामको रूपमा स्वास्थ्य विभाग कुनै पनि क्षति वा हानिका लागि उत्तरदायी छैन।

व्यक्तिगत जानकारी सङ्कलन कथन

हामीले तपाईंको व्यक्तिगत डाटालाई हरेक समय गोप्य राख्ने छौँ। व्यक्तिगत डाटाको सङ्कलन, प्रयोग, प्रतिधारण, खुलासा, स्थानान्तरण, सुरक्षा र पहुँचको सन्दर्भमा हाम्रा नीति र अभ्यासहरू व्यक्तिगत डाटा (गोपनीयता) अध्यादेश (क्याप। 486) र यस कथनमा उल्लेख गरिए अनुसार छन्।

दर्ता फारामको यस कथनमा तपाईंको सम्झौतामा हस्ताक्षर गरेर, तपाईंले स्वास्थ्य विभाग (DH), अस्पताल प्राधिकरण र यसको व्यवस्थापनअन्तर्गतका सार्वजनिक अस्पताल, अस्पताल अधिकारीको स्वामित्वमा रहेका/नियन्त्रणमा रहेका कुनै पनि संस्था (सहायकहरूसहित), निजी अस्पताल तथा क्लिनिकहरू र तपाईंको व्यक्तिगत डाटा (स्वास्थ्य जानकारीसहित) DH को सर्भिकल परीक्षणको सूचना प्रणाली (CSIS) मा उपलब्ध गराउन उपयुक्त भएअनुसार कुनै पनि तेस्रो-पक्षमा कुनै पनि सेवा प्रदान गर्न अधिकार दिनुभएको छ। यस्तो व्यक्तिगत डाटा तल उल्लेखित उद्देश्यका लागि प्रयोग गरिनेछ।

सङ्कलनको उद्देश्य

तपाईंको व्यक्तिगत डाटा र स्वास्थ्य जानकारी CSIS मा उपलब्ध गराइन्छ, जुन DH ले कायम राख्छ, निम्न उद्देश्यहरूका लागि प्रयोग गरिने छ:

1. तपाईंलाई स्याहार उपलब्ध गराउने अन्य चिकित्सा पेशेवरहरूद्वारा निरन्तर स्याहार वा सन्दर्भका लागि (तपाईंले CSIS बाट फिर्ता लिनुहुन्छ भने, DH को आन्तरिक प्रयोग र पहुँचका लागि मात्र तपाईंको रेकर्ड राखिने छ) तपाईंको व्यक्तिगत डाटा र स्वास्थ्य जानकारी (तपाईंले फिर्ता नलिँदासम्म CSIS मा तपाईंको दर्ताबाट कुनै पनि समयमा सङ्कलन गरिएको) को रेकर्ड गर्ने र स्थानान्तरण गर्ने;
2. तपाईंलाई सम्पर्क गर्ने र परीक्षणका रिमाइन्डर र सूचनाहरू पठाउने;
3. अनुसन्धान वा शिक्षण उद्देश्यहरूका लागि तथ्याङ्कहरू तयार गर्ने;
4. CSIS को गुणस्तर आश्वासनका लागि; र
5. CSIS सँग सम्बन्धित मामिलाहरूको अनुसन्धान र अनुगमन गर्ने।

व्यक्तिगत डाटाको प्रावधान स्वैच्छिक छ। तपाईंले पर्याप्त जानकारी उपलब्ध गराउनुहुन्न भने, हामी तपाईंले CSIS मा दर्ता गर्नुभएको छ र तपाईंलाई सेवाहरू उपलब्ध गराउन/समन्वित गर्न सकिदैँन भनी प्रमाणित गर्न सक्षम हुने छैनौँ।

व्यक्तिगत डाटाको स्थानान्तरणको वर्गहरू

DH को आन्तरिक प्रयोगबाहेक, तपाईंको व्यक्तिगत डाटा र स्वास्थ्य जानकारी आवश्यक भएमा माथि उल्लिखित उद्देश्यहरूका लागि चिकित्सक र प्याथोलोजी प्रयोगशाला, सरकारी ब्यूरो/विभाग, अस्पताल प्राधिकरण र कुनै पनि सम्बन्धित तेस्रो-पक्षलगायतका अन्य स्वास्थ्य स्याहार प्रदायकहरूद्वारा पहुँच गर्न, उनीहरूलाई खुलासा गर्न र स्थानान्तर गर्न पनि सकिन्छ। यसबाहेक, डाटा पार्टीहरूलाई मात्र खुलासा गर्न सकिन्छ जहाँ तपाईंले यस्तो खुलासा गर्न सहमति दिनुभएको छ वा जहाँ व्यक्तिगत डाटा (गोपनीयता) अध्यादेश अन्तर्गत यस्तो खुलासालाई अनुमति दिइएको छ।

व्यक्तिगत डाटामा पहुँच

व्यक्तिगत डाटा (गोपनीयता) अध्यादेशको अनुसूची 1 का खण्डहरू 18 र 22 र सिद्धान्त 6 मा प्रदान गरिएको व्यक्तिगत डाटाको सन्दर्भमा तपाईंसँग पहुँच र सुधार गर्ने अधिकार छ। तपाईंको पहुँचको अधिकारमा तपाईंको व्यक्तिगत डेटाको प्रतिलिपि प्राप्त गर्ने अधिकार समावेश छ।  डाटा पहुँच अनुरोधको पालना गरेबापत शुल्क लाग्न सक्छ।

सोधपुछ

पहुँच र सुधारहरूसहित उपलब्ध गराइएको  व्यक्तिगत डाटाका सम्बन्धमा लिखित सोधपूछहरू, सर्भिकल परीक्षण कार्यक्रम कार्यालय, स्वास्थ्य विभाग, Room 10, 5/F, 134 Queen's Road West, Sai Ying Pun, Hong Kong मा सम्बोधन गर्नुपर्छ। तपाईं हाम्रो वेबसाइटमा जान पनि सक्नुहुन्छ: http://www.cervicalscreening.gov.hk